ՀԱՍԱՐԱԿԱԳԻՏԱԿԱՆ ԱՌԱՐԿԱՆԵՐԻ ԱՄԲԻՈՆ
Հասարակագիտական առարկաների ամբիոնի ընդհանուր նկարագիրը Երևանի պետական հումանիտար քոլեջի ՙՀասարակագիտական առարկաների ամբիոնը՚ (այսուհետև` ամբիոն) ստեղծվել է 1992 թվականին: Հիմնադրման պահից մինչև 2004 թվականը ամբիոնը ղեկավարել է Մարգարիտա Միքայելի Սահակյանցը: 2004 թվականից ամբիոնը ղեկավարում է նույն ամբիոնի ավագ դասախոս, կրթության փորձագետ Մարինե Հակոբյանը: Միջին մասնագիտական կրթական ծրագրերի իրականացման նպատակով հաստատված ուսումնական պլանների հիման վրա ամբիոնը քոլեջի բոլոր մասնագիտությունների համար ներառում է ընդհանուր և մասնագիտական բնույթի հասարակագիտական առարկաներ: Ամբիոնը իր առարկայաշարով սպասարկում է քոլեջի 8 մասնագիտությունները, սակայն ուղղակիորեն պատասխանատու է ՙմիջազգային տուրիզմ, հյուրանոցային գործ և համակարգիչ՚, ՙթարգմանություն, մաքսային գործ և համակարգիչ՚ մասնագիտությունների համար: Մասնագիտական հիմնական կրթության ուսումնամեթոդական հիմքը Ամբիոնը մասնակցում է մասնագիտական չափորոշիչների մշակման, առարկայական պլանների և դրանց բովանդակության ձևավորման, ուսուցման մեթոդների ընտրության, դասապրոցեսի և ուսումնաարտադրական պրակտիկաների կազմակերպման մոդելների մշակման, դրանց իրականացման գործընթացներին: Առաջնային համարելով աշխատաշուկայի պահանջարկը, պետության կողմից կոնկրետ աշխատակցին ներկայացվող մասնագիտական պահանջները` ամբիոնային առարկաների և մասնագիտությունների բովանդակությունը ձևավորվում է դրանց հիման վրա, ինչպես նաև ուսումնասիրվում է միջազգային առաջավոր փորձը, ընդհանրացվում` հայրենականը: Այս գործում իրենց անմիջական և գործնական աջակցությունն են բերում ամբիոնի մասնագետ դասախոսները, որոնց գերիշխող մասը հրավիրված մասնագետներ են, իրենց տեղն ու դերն ունեն գործարար աշխարհում կամ պետական ծառայության համակարգում: Ամբիոնն աշխատում է ակտիվ համագործակցության և սոցիալական գործընկերության սկզբունքով, որը դրսևորվում է դասախոսական և ուսանողական համակազմի հետ գործատուների, արվեստագետների, պաշտոնյաների հանդիպումներ կամ մասնագիտական քննարկումներ անցկացնելու, նրանց մասնակցությամբ բաց դասեր կամ գործնական պարապմունքներ կազմակերպելու, ինչպես նաև համատեղ միջոցառումներ իրականացնելու ձևով: Ամբիոնի անդամների, քոլեջի մյուս ամբիոնների և մեթոդական խորհրդի, ինչպես նաև գործընկերների հետ համատեղ աշխատանքի և նրանց խորհրդատվության արդյունքում վերանայվել կամ մշակվել են մի շարք ուսումնամեթոդական նյութեր, փաստաթղթեր, որոնց հաջողված գործարկումը լայն հնարավորություններ է ստեղծում այսօրվա ուսանողների համար, որպեսզի վաղվա աշխատաշուկայում իրենց ճանապարհն անցնեն և արժանի զբաղվածություն ունենան: Ամբիոնային առարկաները դասավանդվում են ինտերակտիվ մեթոդներով` կիրառելով թե՛ ֆորմալ, թե՛ ոչ ֆորմալ ուսումնառության հնարավորությունները: Ամբիոնային առարկաների դասավանդման լսարանային ուսուցման ծավալները կազմում են 65% (տեսական և գործնական), իսկ 35%-ը` ուսումնական կամ արտադրական պրակտիկաների, ինչպես նաև ինքնուսուցման (ուղղորդված և ազատ` կամընտրական հետազոտության) միջոցով: Ամբիոնը պատասխանատու է մաքսային գործի և ՙսպասարկման կազմակերպման մասնագիտություններով մասնագետների պատրաստման համար: Ուսումնաարտադական կամ նախադիպլոմային պրակտիկաները Գիտակցելով, որ քոլեջի շրջանավարտի մրցունակությունը աշխատաշուկայում կարող է ապահովվել նրա գործնական գիտելքիների ու հմտությունների ծավալի առկայության դեպքում, ամբիոնը առանձնակի ջանքեր է ներդնում հատկապես ուսումնաարտադրական պրակտիկաների կազմակերպման մեթոդների ընտրության, դրանց իրատեսականությունն ու գործարկումը ապահովելու համար: Զբոսաշրջության և մաքսային սպասարկման ոլորտների մասնագիտությունների համար ուսումնաարտադրական պրակտիկաները կազմակերպվում են ուսումնառության ամբողջ ընթացքի համար` յուրաքանչյուր ուստարվա համար հիմք ընդունելով համապատասխան ծառայության կոնկրետ սպասարկման բնագավառը: Պրակտիկաների անցկացման համար պայմանագրեր են կնքվել Հայաստանում գործող գրեթե բոլոր հյուրանոցների (այդ թվում` մարզային), մի շարք զբոսաշրջային կազմակերպությունների, արտահանում և ներմուծում կամ մաքսային ձևակերպումներ կատարող կազմակերպությունների հետ, մասնավորապես` բրոկերային ծառայությունները և այլն: Որպես ինքնուրույն և գործնական աշխատանքի ձև, 2006 և 2008 թվականներին ուսանողների կողմից անցկացվել է զբոսաշրջային գործակալությունների, թանգարանների, հյուրանոցային համալիրների գործունեության իրավական հիմքերի պահպանման, ինչպես նաև այդտեղ աշխատող անձանց զբաղվածության ծավալների և աշխատանքային նկարագրի դիտարկման մոնիթորինգ: Աշխատանքները կատարվել են հասարակական հիմունքներով, իսկ արդյունքները տրամարդվել են մեր սոցիալական գործընկերներին: Միջոցառումները, ծրագրերը Հիմնադրման օրվանից ամբիոնը մասնակցել է տարբեր հանրապետական, միջազգային և քոլեջային ծրագրերի: Կարևորներից են` Համահայկական խաղերի սպասարկում (խմբերի ուղեկցում, տեխնիկական աջակցություն, ճանաչողական նյութի տրամարդում և այլն) ՀՀ մշակույթի և սպորտի նախարարության առաջարկով, ”Մեկ ազգ, մեկ մշակույթ” համահայկական փառատոնի սպասարկում (խմբերի ուղեկցում, տեխնիկական աջակցություն, ճանաչողական նյութի տրամարդում և այլն) ՀՀ մշակույթի նախարարության և համանուն հիմնադրամի առաջարկով, ՙՀայրենիք- Սփյուռք՚ վեհաժողովի սպասարկում (տեխնիկական աջակցություն, օժանդակ ծառայությունների սպասարկում)` ՀՀ արտաքին գործերի նախարարության առաջարկով, 2005թվականին` մասնակցություն Հայաստաանի Երրորդ Հանրապետության խորհրդարանի 15-ամյակին նվիրված “Պառլամենատարիզմը Հայաստանում՚” թեմայով ուանողական գիտական մրցույթին` ՀՀ ԱԺ հայտարարության հիման վրա. 2007-2008թթ. մասնակցության ՀՀ ԱԺ և ՀՀ նախագահական ընտրությունների գործընթացին` “Դու տեղյակ լինելու իրավունք ունես՚” երիտասարդական ճանաչողական շարժման շրջանականերում (մատչելի իրազեկում ընտրական գործընթացներում ընտրողի իրավունքների և պարտականություններին) Մեծահասակների կրթություն կամ լրացուցիչ կրթություն Վերապատրաստումները ամբիոնում. Քոլեջի և ամբիոնի գիտամանկավարժականի կազմի մասնագիտական պատրաստվածության բարձր մակարդակը, ինչպես նաև բարեփոխումներին մասնակից և իրազեկ լինելու ձգտումը հնարավորություն է տալիս մասնակցել նաև այլ ծրագրերի: Ամբիոնի դասախոսներից յուրաքանչյուրը ոչ միայն ինքն է մասնակցել տեղական կամ միջազգային կազմակերպությունների կողմից կազմակերպված դասընթացների, խորհրդաժողովների, վերապատրաստումների, այլև հանդես է եկել զեկուցողների, դասավանդողների կամ առնվազն կազմակերպողների դերում: Վերջին երկու տարվա ընթացքում ամբիոնն իրականացրել է էքսկուրսավարների վերապատրաստման 2 պետական ծրագիր: Այդ իրավունքը քոլեջը ձեռք է բերել մրցութային հիմունքնով: 1-ինը կազմակերպվել է ՀՀ կրթության և գիտության նախարարության և ՙDVV international՚ Երևանյան գրասենյակի “ՙԴասավանդողների վերապատրաստում” ծրագրի շրջանակում և ուղղված էր զբոսաշրջություն դասավանդողներին, իսկ 2-րդը` ՀՀ աշխատանքի և սոցիալական հարցերի նախարարության “Զբաղվածության ծառայություն՚” գործակալության ՙգործազուրկների վերապատրաստում՚ ծրագրի շրջանակում, որն արդեն անցկացվել է երկու անգամ: Համագործակցությանն ուղղված քայլերը շարունակվում են … Մենք ու մենք… Քոլեջը հոգում է նաև ուսանողների հետաքրքիր և արդյունավետ ժամանցի մասին… 1993 թվականից ամբիոնին կից գործում է քոլեջային “Անահիտ՚” պատմամշակութային ակումբը: Ակումբի նպատակն է ուսանողներին ծանոթացնել Հայաստանի պատմությանը, մշակույթին, պատմամշակութային հուշարձաններին ու կոթողներին, բնությանը, աշխարհագրական առանձնահատկություններին, արվեստին, ազգային և հոգևոր արժեքներին: Ակումբն իր գործունեությամբ նպաստում է ուսանողների արժեքային համակարգի ձևավորմանը, նրանց ծանոթացնում է երկրի նյությական և հոգևոր մշակույթի հետ, ստեղծում է հետաքրքիր և ինքնատիպ զբոսաշրջային երթուղիներ, փաթեթներ` զբոսաշրջության մի շարք ոլորտների`ճանաչողական, էկզոտիկ, էկոլոգիական, առողջապահական և այլն: 1993թվականից մինչև 2003 թվականը ակումբը ղեկավարել է ամբիոնի դասխոս, մակավարժական գիտությունների թեկնածու, դոցենտ, ակումբի նախագահ Սամվել Մալխասյանը: 2005 թվականից ակումբը ղեկավարում է Գոհար Մալխասյանը: 1997թվականի օգոստոսի 25-ից սեպտեմբերի 4-ը ամբիոնի “Անահիտ” պատմամշակությաին ակումբը մասնակցել է ՀՀ մշակույթի նախարարության հայ- վրացական երիտասարդական “Հավուց թառ” ծրագրին, որի արդյունքւոմ մաքրվել և բարեկարգվել է միջնադարյան Հավուց Թառ վանական համալիրի տարածքը, մաքրվել, ոչնչացումից փրկվել են խաչքարեր և համալիրի այլ դետալներ: Ծրագիրը ղեկավարել է ակումբի նախագահ Սամվել Մալխասյանը: 1998 թվականին քոլեջի ուսանողները Վրաստանի Արմազի հնավայրում մասնակցել են վրաց- հայկական ուսանողական ծրագրին: Հայ և վրացի ուսանողները մասնակցել են հնագիտական պեղումների, ծանոթացել այդ երկրի պատմությանն ու մշակույթին: Հայկական խումբը ղեկավարել է ակումբի նախագահ Սամվել Մալխասյանը: 1999 թվականին քոլեջի “Անահիտ” պատմամշակութային ակումբի ջանքերով, “Երիտասարդ մարդկանց քրիստոնեական ընկերակցություն՚” ՀԿ- ի հովանավորությամբ իրականացվել է հայ – շվեյցարական ”ՙՆեղուցի վանք՚” ծրագրը: Ծրագրի նպատակն էր երիտասարդներին ծանոթացնել հայկական մշակույթին, ազգային սովորույթներին ու բարքերին, բարեկարգել համալիրի տարածքը, ձևավորել մշակութային երկխոսություն հայ և եվրոպացի երիտասարդների միջև: Ի դեպ Ակումբը նպաստում է Մարդակերտման ու Հայակերտման գործին. ակումբային ծրագրերին մասնակից յուրաքանչյուր մարդ կարող է իր մեջ բացահայտել ճանաչող, ուսումնասիրող, վերլուծող, գնահատող, կիրառող և նպատակասլաց Մարդուն: “Հասարակագիտական առարկաներ” – ի ամբիոնի կողմից դասավանդվող գիտակարգերն են. 1. Հայ պատմաճարտարապետական հուշարձաններ 2. Զբոսաշրջության և հյուրանոցային գործի պատմություն և աշխարհագրություն 3. Սպասարկման կազմակերպում հյուրանոցներում 4. Զբոսաշրջության սպասարկման կազմակերպում 5. Մարկետինգը տուրիզմում և հյուրանոցային գործում 6. Էքսկուրսիաների սպասարկման կազմակերպում 7. Հաշվապահական հաշվառում և ֆինանսներ 8. Հյուրանոցային և զբոսաշրջության գործաբանություն 9. Ֆիզիկական կուլտուրա 10. Պատմություն 11. Քաղաքացիական պաշտպանություն և արտակարգ իրավիճակների հիմնահարցեր 12. Նախնական զինվորական պատրաստվածություն 13. Իմաստասիրության և կրոնի հիմունքներ 14. Տրամաբանության հիմունքներ 15. Իրավագիտության հիմունքներ 16. Միջազգային իրավունք 17. Պետության և իրավունքի տեսություն 18. ՀՀ իրավապահ մարմիններ 19. ՀՀ օրենսդրության հիմունքներ 20. Էթիկետի հիմունքներ 21. Բարոյագիտության և գեղագիտության հիմունքներ 22. Տնտեսագիտության հիմունքներ 23. Մենեջմենթի հիմունքներ 24. Կառավարման հիմունքներ 25. Ձեռնարկությունների կառավարում 26. Քաղաքագիտության հիմունքներ 27. «Մաքսային գործ» մասնագիտության ներածություն 28. Մաքսային գործի կազմակերպչաիրավական հիմունքներ 29. Մաքսային գանձումներ և վճարումներ 30. Սպասարկման կազմակերպում 31. Մաքսային ձևակերպումների ընթացակարգ 32. Մաքսային պատասխանատվություն
|